Parsi Prayer – Havan Gah Prayer – Khorde Avesta

0
77
0 0 vote
Article Rating

Parsi Prayer - Havan Gah Prayer - Khorde Avesta 1Hawan Gah sunrise to midday

http://www.youtube.com/watch?v=gWnAyQKQqFo
1.
xshnaothra ahurahe mazdå,
ashem vohû…(3). fravarâne mazdayasnô zarathushtrish vîdaêvô ahura-tkaêshô, hâvanêe ashaone ashahe rathwe ýasnâica vahmâica xshnaothrâica frasastayaêca sâvanghêe vîsyâica ashaone ashahe rathwe ýasnâica vahmâica xshnaothrâicâ frasastayaêca,
2.
mithrahe vouru-gaoyaotôish hazangrô-gaoshahe baêvare-cashmanô aoxtô-nâmanô ýazatahe râmanô hvâstrahe xshnaothra ýasnâica vahmâica xshnaothrâica frasastayaêca.
ýathâ ahû vairyô, zaotâ frâ mê mrûtê
athâ ratush ashâtcît haca, frâ ashava vîdhvå mraotû.
3.
ahurem mazdãm ashavanem ashahe ratûm ýazamaide, zarathushtrem ashavanem ashahe ratûm ýazamaide, zarathushtrahe ashaonô fravashîm ýazamaide, ameshê speñtê ashaonãm ýazamaide.
4.
ashâunãm vanguhîsh sûrå speñtå fravashayô ýazamaide astvatô manahyâca, apanôtemem rathwãm ýazamaide ýaêtushtemem ýazatanãm hanghanushtemem ashahe rathwãm aiwinasãstemem jakhmûshtemãm ashaonô ashahe rathwô ratufritîm ýazamaide!
5.
hâvanîm ashavanem ashahe ratûm ýazamaide, haurvatâtem ashavanem ashahe ratûm ýazamaide, ameretatâtem ashavanem ashahe ratûm ýazamaide, âhûirîm frashnem ashavanem ashahe ratûm ýazamaide, âhûirîm tkaêshem ashavanem ashahe ratûm ýazamaide, ýasnem sûrem haptanghâitîm ashavanem ashahe ratûm ýazamaide.
6.
sâvanghaêm vîsîmca ashavanem ashahe ratûm ýazamaide, airyamanem ishîm ashavanem ashahe ratûm ýazamaide, amavañtem verethrâjanem vitbaêshanghem
vîspa tbaêshå taurvayañtem
vîspa tbaêshå titareñtem
ýô upemô ýô madhemô
ýô fratemô zaozîzuye
tarô mãthrem pañca gâthå.
7.
mithremca vouru-gaoyaoitîm ýazamaide, râmaca hvâstrem ýazamaide vîsyehe rathwô ýasnâica vahmâica, vîsîmca ashavanem ashahe ratûm ýazamaide.
8.
mithrem vouru-gaoyaoitîm hazangra-gaoshem baêvare-cashmanem aoxtô-nâmanem ýazatem ýazamaide, râma hvâstrem ýazamaide!
9.
thwãm âtrem ahurahe mazdå puthrem ashavanem ashahe ratûm ýazamaide, hadha-zaothrem hadha-aiwyånghanem imat baresma ashaya frastaretem ashavanem ashahe ratûm ýazamaide. apãm naptârem ýazamaide, nairîm sanghem ýazamaide, taxmem dâmôish upamanem ýazatem ýazamaide, iristanãm urvãnô ýazamaide, ýå ashaonãm fravashayô, ratûm berezañtem ýazamaide, ýim ahurem mazdãm ýô ashahe apanôtemô ýô ashahe jakhmûshtemô, vîspa sravå zarathushtri ýazamaide, vîspaca hvarshta shyaothna ýazamaide varshtaca vareshyamnaca.
ýenghê hâtãm âat ýesne paitî vanghô mazdå ahurô vaêthâ ashât hacâ ýånghãmcâ tãscâ tåscâ ýazamaide.
10.
ýathâ ahû vairyô…(2). ýasnemca vahmemca aojasca zavareca afrînâmi mithrahe vouru-gaoyaotôish hazangrô-gaoshahe baêvare-cashmanô aoxtô-nâmanô ýazatahe râmanô hvâstrahe.
ashem vohû….
ahmâi raêshca … hazangrem … jasa-mê … (kerba mazhd…) atha jamyât ýatha âfrînâmi.
ashem vohû…!!

0 0 vote
Article Rating
Subscribe
Notify of
guest
0 Comments
Inline Feedbacks
View all comments